متل غنية "قلبي"

وبحس حالي 

متل غنية ....مرة ضايجة

ومرة هادية

وبجن متل ما قلبي بقلي...

وما بسمع كلام عقلي....

وبعد شوي 

بتاخدني الفرحة لبعيد....

هنيك....لما كنت انا وياك

نحكي بالساعات...

شي حب ....شي غزل

وشي امنيات

وبعدين بضحك....كيف كنا من كل شي نزعل

وتراضيني .... وما اقبل

وتيجي انت تاخد ع خاطرك

وتحرد

وبلش راضيك  انا .....ودغري تقبل

كيف كنت تخطف الكلمة من تمي

وتكملا عني

وشاركك معي بكل يومي

اكلت 

شربت

رحت

اشتريت

لبست

نمت

وانت تسمع

ولما تغار.... تبكيني

ولتصالحني 

تغنيلي

كنت تخانقني كتير

تحبني كتير

تغار كتير

تشتاق كتير

وتكرهني كتير

وكنت استناك 

وازعل

واصرخ

وابكي

وحبك كتير كتير

هلأ بتزكر هالاشيا 

وبقول يا الله شو كانت هديك الايام حلوة

مع انه بوقتا كانت صعبة... ومُرة

وبفكر

بعدك بتحبني...متل ما بتقلي كل يوم

بعدو قلبك مليان فييَ

وايدك بترجف بس نتخانق

بعدك بتخاف تفقدني

وما بتقدر تنام بس نبعد

اسئلة كتير بتمرء براسي كل ما بفكر فيك

وبس اتعب منا

بحط ايدي ع قلبي

وبقول اسمك

مرة

تنـتين....

تلاتة

ومع كل مرة 

دقة قلبي بتقوى 

وساعتا بعرف

انه هالبسمة ع شفايفي....وانفاسي الي ماعم تهدى

وكل هالفرح....

وحتى الوجع....الي بحسو

ما بيعني اننا بنحب بعض بس

نحنا اكتر من عشاق

نحنا لحن بكل غنية

وردة حمرا بكل مزهرية

حبة مطر بموسم شتي

نحنا شمس

ونحنا غيم

ونحنا واحد .....ومو تنين

واذا بعدك بتسمع

انا بعدني

بحبك